Xitoy madaniyatidagi milliy bayramlarning lingvomadaniy tahlili

Abstract

Barchamizga ma’lumki, milliy bayramlar – bu xalqning asrlar davomida shakllangan an’anaviy qadriyatlari, tarixiy xotirasi va e’tiborga molik voqealarini yod etish uchun nishonlanadigan muhim sanalardir. Har bir bayram o‘zida millatning orzu-intilishlari, qadr-qimmati, ma’naviyati va yorqin kayfiyatini mujassam etadi. Ana shu ulug‘ kunlar orqali biz ajdodlarimiz bosib o‘tgan sharafli yo‘lni eslaymiz, ularning Vatan ravnaqi yo‘lida qo‘shgan hissalarini chuqur his qilamiz hamda jamiyat hayotida yuz bergan muhim o‘zgarishlarni anglaymiz. Shuningdek, bayramlar kelgusi avlod qalbiga yurtga sadoqat, hurmat, ezgulik va milliy g‘urur kabi fazilatlarni singdirishda muhim tarbiyaviy ahamiyat kasb etadi.Shu nuqtayi nazardan, Xitoyning ming yillik tarixga ega bo‘lgan, rang-baranglik va chuqur ramziy ma’nolarni o‘zida aks ettirgan milliy bayram va an’analari alohida e’tiborga loyiqdir. Ushbu bayramlar xalqning qadimiy e’tiqodlari, falsafiy qarashlari va turmush tarzini o‘zida mujassam etib, nafaqat Osiyo mintaqasida, balki jahon miqyosida, jumladan, Yevropa davlatlarida ham katta qiziqish va hayrat uyg‘otib kelmoqda.Mazkur maqolada Xitoyning o‘ziga xos milliy bayramlari, ularning kelib chiqish tarixi, urf-odatlari hamda o‘tmish va zamonaviy davr o‘rtasidagi o‘zgarishlar ilmiy-nazariy jihatdan tahlil qilinadi.