TOHIR MALIKNING “ALVIDO BOLALIK” ASARIDA OILA, JAMIYAT VA ATROF-MUHITNING HAL QILUVCHI ROLI

Abstract

Mazkur maqolada taniqli o‘zbek yozuvchisi Tohir Malikning “Alvido, bolalik” asari asosida yosh avlod ongi va shaxsining shakllanish jarayonida oila, jamiyat hamda atrof-muhitning tutgan o‘rni badiiy-ilmiy nuqtayi nazardan atroflicha tahlil qilinadi. Asarda bolalik davri inson hayotining eng muhim va ta’sirchan bosqichi sifatida talqin etilib, aynan shu davrda shakllanadigan axloqiy qarashlar, ma’naviy qadriyatlar va hayotga bo‘lgan munosabatlarning kelajakdagi shaxs kamolotiga bevosita ta’siri ochib beriladi. Yozuvchi qahramonning ichki kechinmalari, ruhiy iztiroblari va bolalarcha sodda, ammo teran fikrlari orqali bolalik dunyosining murakkab va ziddiyatli jihatlarini badiiy mahorat bilan yoritadi. Asarda ijtimoiy muhitning, xususan, oilaviy munosabatlar, jamiyatdagi ijtimoiy tengsizlik, ma’naviy tanazzul va atrof-muhitdagi salbiy holatlarning bola ongiga ko‘rsatadigan ta’siri real hayotiy voqealar asosida ifodalanadi. Shu orqali bolalik pokligi qanday qilib asta-sekin hayot sinovlari ta’sirida yemirilishi va bolaning ruhiy jihatdan erta ulg‘ayishga majbur bo‘lishi ko‘rsatiladi.