VOLFGANG BORXERT LIRIKASIDA CHIROQ TIMSOLI

Abstract

Ushbu maqolada nemis zamonaviy adabiyotida o‘z o‘rniga ega bo‘lgan hikoyanavis yozuvchi va shoir Volfgang Borxertning she’riyati haqida fikr mulohazalar keltirilgan. Uning she’rlaridagi badiiylik, tasvir va ifodalar qaysi usul va yo’llar bilan yaratilganligiga qiziqish bizni bu maqolani yozishga undadi. Ko’pchilik Borxertni yozuvchi sifatida taniydi, ammo uning she’rlaridagi ma’no va ta’sirchanlik, hikoyalaridan aslo qolishmaydi. Borxert she’riyatida lampa, chiroq va mayoq so’zlari tez-tez qo’llaniladi va odatda bu so’zlarlar umid va ishonch timsoli sifatida tasvirlanadi, ushbu maqola orqali uning she’rlaridagi bu timsollarni ma’nolarini tushunishga, va tahlil qilishga, harakat qilamiz. Bundan tashqari xorijiy tadqiqotchilarning shoir ijodi haqidagi fikrlari, uni ekspressionizmga mos ravishda ko'rib chiqishni qo'llab-quvvatlovchi dalillar keltirilgan. V.Borxert sheʼriyati 40-yillarning oʻrtalarida Germaniyada ushbu yoʻnalishning yangi bosqichini ifodalashi aniqlangan. Maqolada ijodkorning “Ich möchte Leuchtturm sein” (Men mayoq bo’lmoqchiman”) va “Wenn ich tot bin“ (“Agar o’lsam…”) kabi nazmiy asarlarni tahlil qilamiz.